Չինաստանը Պարսից ծոցի երկրներին կոչ է անում խնդիրները կարգավորել երկխոսությամբ

Պարսից ծոցի երկրները պետք է առավելագույն զսպվածություն և հանգստություն ցուցաբերեն և չբացեն Պանդորայի արկղը, այլ հակասությունները լուծեն երկխոսության ճանապարհով։ Այս մասին հայտարարել է Չինաստանի նախագահ Սի Ցզինպինը՝ Աբու Դաբիի գահաժառանգ արքայազն, ՄԱԷ-ի ԶՈւ գլխավոր հրամանատարի տեղակալ Մուհամադ բեն Զայիդ ալ Նահայայնի հետ հանդիպման ժամանակ. հայտնում է РИА Новости-ն:

«Խաղաղությունը  և կայունությունը Պարսից ծոցում ունեն կարևոր նշանակություն Մերձավոր Արևելքի և նույնիսկ ամբողջ աշխարհի անվտանգության և կայունության համար։ Այն պետք է դառնա անվտանգության օազիս, ոչ թե նոր ցնցումների աղբյուր»,- ասել է նա: