Սվիտալսկին ասել է՝ որ դեպքում ՀՀ-ի համար վիզաների ազատականացման գործընթացը կշարունակվի ճիշտ ուղղությամբ

ԵՄ-ն ՀՀ-ի հետ գերազանց հարաբերություններ ունի այսօր հրավիրված մամուլի ասուլիսի ժամանակ  ՀՀ-ում Եվրոպական Միության պատվիրակության ղեկավար, դեսպան Պյոտր Սվիտալսկին կրկնեց Եվրոպական խորհրդի նախագահ Դոնալդ Տուսկի հայտարարությունը:

«Բոլոր գործոնները, որոնք, սովորաբար, հաշվի են առնվում հարաբերությունների մակարդակը գնահատելու համար, թույլ են տալիս ասելու, որ այդ հայտարարությունը կշիռ ունի: Հայաստան-Եվրամիություն համաձայնագիրը մտնում է իրականացման փուլ: Մենք հայկական կողմի հետ հիմա քննարկում ենք այն ձևերը, որոնցով ԵՄ-ն կարող է աջակցել ճանապարհային քարտեզի իրականացմանը»,- նշեց դեսպանը՝ հավելելով, որ ՀՀ նախարարություններն այս պահին մշակում են շատ կոնկրետ գործողություններ Ընդլայնված համաձայնագրի ճանապարհային քարտեզի մասով, և որ իրենք նշանակալիորեն ավելացրել են ֆինանսական աջակցության չափը՝ ուղղված ՀՀ-ի զարգացմանը:

«Պետք է համբերատար լինել, շարունակել ջանքեր գործադրել այս ուղղությամբ, այդ թվում՝ սովորական հայ քաղաքացիները: Եթե դուք չխախտեք ճամփորդությունների ժամկետները Շենգենյան գոտու երկրներ, եթե ժամանակին վերադառնաք, եթե ապաստան չհայցեք, եթե չփորձեք չարաշահել անվճար տրամադրվող բուժծառայությունները, ամեն ինչ կլինի նորմալ, և գործընթացը կշարունակվի ճիշտ ուղղությամբ»,- ասաց Սվիտալսկին: