Հայաստանը աշխարհի` ամենաշատ աղբ ունեցող երկրներից 6-րդն է

Համաշխարհային բանկի տվյալների համաձայն՝ աշխարհը խորտակվում է աղբի մեջ, իսկ թափոնների առաջացման տեմպերը միայն արագանում են. հայտնում է USA Today-ը` միաժամանակ ներկայացնելով աշխարհում բնակչության մեկ շնչի հաշվով ամենաշատ աղբ արտադրող երկրների վարկանիշային ցուցակը, որում Հայաստանը զբաղեցնում է 6-րդ հորիզոնականը:

Նշվում է, որ Հայաստանում յուրաքանչյուր քաղաքացու տարեկան բաժին է ընկնում 16,3 տոննա թափոն (2017-ին Հայաստանում, ընդհանուր առմամբ, հաշվվել է ավելի քան 47 մլն տոննա թափոն):

Ինչ վերաբերում է այլ երկրների, ապա բնակչության մեկ շնչին բաժին ընկնող ամենաշատ աղբ արտադրող երկրների եռյակում են Կանադան (36 տոննա), Բուլղարիան (26,7 տոննա) և ԱՄՆ-ը (26 տոննա):