Ամենաշատ գնանկումը եղել է կարտոֆիլի, ամենաշատ գնաճը՝ մրգերի պարագայում

ԱՎԾ գների վիճակագրության բաժնի պետ Գուրգեն Մարտիրոսյանն այսօր լրագրողներին ներկայացրեց այս տարվա առաջին վեց ամիսների վիճակագրությունը՝ սպառողական շուկայում գների ընդհանուր շարժի մասով:

Ըստ այդմ` 2015թ. հունվար ամսին գրանցվել է 2,5 գնաճ, իսկ ապրիլից սկսած` գնանկում է գրանցվել` ապրիլին՝ 0,1 տոկոս, մայիսին՝ 0,4 տոկոս:

Վերջին մեկ ամսում 1,4 տոկոս գնանկման պարագայում 3 տոկոսով նվազել է պարենային ապրանքների գները, 0,6 տոկոսով՝ ոչ պարենայինի գները: Ամենաշատ գնանկումը եղել է բանջարեղենի, կարտոֆիլի պարագայում՝ 0,9 տոկոս, իսկ ամենաբարձր գնաճը եղել է մրգերի պարագայում՝ 13 տոկոս: Գնանկում է գրանցվել լոլիկի ու կանաչ պղպեղի պարագայում՝ շուրջ երեք անգամ: