Էրդողանն առաջինն է շնորհավորել Հունաստանի նոր վարչապետին

Հունական լրատվամիջոցները գրում են, որ հուլիսի 7-ին Հունաստանում տեղի ունեցած խորհրդարանական ընտրություններում հաղթած ընդդիմադիրների առաջնորդ Կիրիակոս Միչոտակիսին առաջին շնորհավորանքներն ուղղել է Թուրքիայի նախագահ Ռեջեփ Թայիփ Էրդողանը. հաղորդում է ensonhaber.com կայքը:

Ըստ նախնական տվյալների` «Նոր դեմոկրատիա» կուսակցության առաջնորդ Միչոտակիսը, հավաքելով 39.8 տոկոս ձայն, հաղթանակ է տարել նախկին վարչապետ Ալեքսիս Ցիպրասի նկատմամբ:

Էրդողանը շնորհավորանքի մեջ հույս է հայտնել, որ թուրք-հունական հարաբերություններում նոր սկիզբ կդրվի:

Նշենք, որ Ցիպրասի կառավարման ժամանակ թուրք-հունական հարաբերություններում նկատվում էր լարվածության աճ: