Լավրովը բացատրել է` ինչու է Իրանը գերազանցել ուրանի պաշարը

ՌԴ ԱԳ նախարար Սերգեյ Լավրովը բացատրել է, որ Իրանի կողմից ցածր հարստացված ուրանի պաշարների գերազանցումը  կապված է ԱՄՆ պատժամիջոցների հետ, որոնք արգելում են Թեհրանից գնել ուրանի ավելցուկը. հայտնում է РИА Новости-ն:

Ավելի վաղ հայտնել ենք, որ Իրանը գերազանցել է իրանական միջուկային գործարքով նախատեսված` ցածր հարստացված ուրանի պաշարը, այն 300 կգ-ից ավելի է:

Ֆրանսիայի նախագահ Էմանուել Մակրոնն այսօր կոչ է արել Իրանին` «անհապաղ» կրճատել ցածր հարստացված ուրանի պաշարները:

ԱՄՆ նախագահ Դոնալդ Թրամփը նույնպես մեկնաբանել է այդ քայլը` ասելով, որ «Իրանը կրակի հետ է խաղում»:

Իրանական կողմը ավելի վաղ հայտնել էր, որ դադարեցնում է միջուկային գործարքի շրջանակում որոշ պարտկանությունների կատարումը: