Լավրովը բացատրել է, թե ինչու են Թուրքիային պետք Patriot-ները

ՆԱՏՕ-ն Patriot հակահրթիռային համալիրները Թուրքիայում տեղակայել է ոչ միայն Սիրիայից, այլ նաեւ Իրանից եկող սպառնալիքներից պաշտպանվելու համար. RT-ին տված հարզազրույցում ասել է ՌԴ արտգործնախարար Սերգեյ Լավրովը` ներկայացնելով վերլուծաբանների կարծիքներ:

Նախարարը հավելել է, որ եթե վերլուծաբանները չեն սխալվում, ուրեմն «դա ավելի ռիսկային է, քանի որ լրացուցիչ գայթակղություններ է առաջացնում»:

ՌԴ ԱԳՆ-ն ավելի վաղ եւս մտահոգություն էր հայտնել թուրք-սիրիական սահմանին Patriot-ներ տեղակայելու վերաբերյալ, սակայն, ի պատասխան, ՆԱՏՕ-ի գլխավոր քրատուղար Անդերս Ֆոգ Ռասմուսենը հայտարարել էր, որ Ռուսաստանն իրավունք չունի միջամտելու այդ հարցին: