Բուրիաթիայում ուղևորատար ինքնաթիռ է վթարվել, օդաչուները զոհվել են

ՌԴ կազմի մեջ մտնող Բուրիաթիայի Հանրապետության Նիժնեանգարսկի օդանավակայանում «Անգարա» ավիաընկերության Ան-24 օդանավը վթարային վայրէջք է կատարել. հայտնում է РИА Новости-ն:

Միջադեպի հետևանքով 2 օդաչուները զոհվել են: Փրկարարների տվյալներով՝ ևս 19 մարդ հոսպիտալացվել է, իսկ, ընդհանուր առմամբ, ինքնաթիռում 43 ուղևոր է եղել, այդ թվում՝ 1 երեխա:

Հայտնի է, որ օդ բարձրանալուց հետո ինքնաթիռի շարժիչներից մեկը չի աշխատել: Անձնակազմն օդանավակայան վերադառնալու որոշում է կայացրել: Նախնական տվյալներով՝ վայրէջքի ժամանակ ինքնաթիռը 100 մետր դուրս է եկել թռիչքուղուց և բախվել շինություններից մեկին, ինչից  հետո հրդեհ է բռնկվել: