ԵԽԽՎ մոնիթորինգի հարցերով հանձնաժողովն առաջարկել է վերադարձնել Ռուսաստանին իր լիազորությունները

ԵԽԽՎ մոնիթորինգի հարցերով հանձնաժողովն առաջարկել է վերադարձնել Ռուսաստանին իր լիազորությունները` որոշակի պայմաններով. հայտնում է РИА Новости-ն:

Ռուսաստանը հայտարարել էր, որ չի մասնակցի նստաշրջանի աշխատանքներին, եթե իր լիազորություններն ամբողջությամբ չվերականգնվեն:

Ավելի վաղ Yerkir.am-ը տեղեկացրել է, որ ԵԽԽՎ-ն երեկ կայացած նիստում կողմ քվեարկեց կանոնակարգային կոմիտեի ղեկավար Պետրա դե Սուտերի զեկույցին, որում բանաձև է ներառված, որը թույլ է տալիս Ռուսաստանին մասնակցել հունիսյան նստաշրջանին: Կողմ է քվեարկել 118 պատգամավոր, դեմ` 62-ը, 10-ը ձեռնպահ են մնացել:

Դրանից հետո ՌԴ-ն  ԵԽԽՎ աշխատանքներին մասնակցելու հայտ է ներկայացրել:

Հիշեցնենք, որ ռուսական պատվիրակությունը 2014-ի ապրիլին Ուկրաինայում իրադարձությունների հետ կապված զրկվել է քվեարկության իրավունքից ր այլ լիազորություններից: