Թուրքիայում վիրավոր շունը մտել է դեղատուն և օգնություն խնդրել

Վիրավոր թաթով փողոցային շունը մտել է թուրքական դեղատներից մեկը և օգնություն խնդրել: Բանու Ջենգիզ անունով դեղագործը սկզբնական շրջանում չի հասկացել, թե ինչ է կատարվում և, մտածելով, որ շունը սոված է, կերակրաման է դրել կենդանու առջև: Սակայն խելացի շունը մեկնել է վիրավոր թաթը և օգնություն խնդրել: Դեղագործի կողմից վիրակապված շունը այնուհետև հեռացել է դեղատնից. հաղորդում է sabah.com.tr կայքը:

«Սկզբում ցանկանում էի հասկանալ` ինչ է կատարվում: Մեկնեց թաթը և տեսա, որ արյունոտ է: Հետո այն մաքրեցինք, դեղ քսեցինք, հյուրասիրեցինք և քնեց: Հայտնվեցին մարդիկ, որոնք ցանկացան ապաստան տալ շանը, սակայն փողոցային շունը նախընտրեց ազատությունը և հեռացավ»,- պատմել է Ջենգիզը: