Հաշվեքննիչ պալատի նախագահ Յոլյանը չի մտածում հրաժարականի մասին

Այսօր խորհրդարանում Հաշվեքննիչ պալատի հաշվետվության քննարկման ժամանակ պատգամավորներից Արման Բաբաջանյանը բավականին սուր քննադատության ենթարկեց պալատի նախագահ Լևոն Յոլյանին՝ նրան կապելով նախորդ իշխանությունների հետ և  ոչ արժանապատիվ համարելով նրա ներկայությունը ԱԺ դահլիճում։

Լրագրողները ԱԺ դահլիճ շտապող Յոլյանին հանդիպեցին միջանցքում: Նա հրաժարվում էր պատասխանել լրագրողների հարցերին՝ շեշտելով, որ վաղն ասուլիս կլինի, որի ընթացքում կհնչեն հուզող հարցերի պատասխանները։ Այնուամենայնիվ, միակ  հարցը, որին Յոլյանը ցածրաձայն պատասխանեց, հնարավոր հրաժարականին էր վերաբերում։

– Մտածո՞ւմ եք հրաժարականի մասին, – հարցրեց լրագրողներից մեկը։

– Ոչ, – արձագանքեց Յոլյանը։