ՎԵՏՕ շարժումը կրկին բողոքի ակցիա է իրականացնում են. պահանջում են Սորոսի հայաստանյան գրասենյակի լուծարում

«Բաց հասարակության հիմնադրամներ»-ի գրասենյակի առջև ՎԵՏՕ շարժումը կրկին բողոքի ակցիա է իրականացնում` պահանջելով լուծարել գրասենյակը:

Նախաձեռնության անդամ Նարեկ Մալյանի խոսքով`  սորոսականներն ատում են Հայ Առաքելական եկեղեցին: «Հայաստանում կան ամերիկացի և հրեա միլիարդատերերի կողմից վարձկաններ, որոնք քննադատում են մեր պետությունը, իրավապահ համակարգը, փորձում են կեղծ, սուտ քննադատությամբ քանդել մեր պետականության հիմքերը»,- ասաց նա` հավելելով`շարժման մասնակիցները որևէ խնդիր չունեն գրասենյակի մոտ կանգնած ոստիկանների հետ:

«Մենք ունենք պահանջ որպեսզի օրենսդրական փոփոխություններ լինեն, որ այս աղբը հանենք, շպրտենք դուրս»,- հայտարարեց Մալյանը:

Նա անդրադարձ կատարեց նաև արդարադատության նախարարի հրաժարականի պատճառներին:  Մալյանի կարծիքով`Արտակ Զեյնալյանն ակտիվ համագործակցում էր «Բաց հասարակության հիմնադրամներ» գրասենյակի հետ, բայց, հասկանալով, որ այն պայմանները, որ դնում է  գրասենյակն իր առջև, հակապետական են, հրաժարվել էր դրանք կատարել:

«Հենց դա էլ զայրացրել է Լարիսա Մինասյանին, որն էլ ստիպել է Զեյնալյանին, որ հրաժարականի դիմում ներկայացնի»,- պարզաբանեց Մալյանը` հավելելով. «Սորոսի գրասենյակը պահանջում է վարչապետից, որ Հայաստանում արդարադատության նախարար նշանակվի Ռուստամ Բադասյանը, որի վեթինգով կզբաղվենք, կենսագրական առանձին դրվագներին մենք կանդրադառնանք, խոսքը հատկապես նրա` զինծառայությունից խուսափելու մասին է՝ ինչ-որ հիվանդության պատճառով: Այս պահին փակագծեր չեմ բացի, թող նշանակումը լինի, նոր: Այս թեմայով հրապարակելու բազմաթիվ նյութեր ունենք»: