Գնացեք անտառ ու ծառ գրկեք. իսլանդական խորհուրդ` կարանտինային դեպրեսիայի դեմ

Իսլանդիայի արևելքում գտնվող անտառային տնտեսություններից մեկի աշխատակիցները երկրի բնակիչներին կարանտինի ժամանակ դեպրեսիայի մեջ չընկնելու և ուժ ու էներգիա հավաքելու մեթոդ են առաջարկել: Նրանք խորհուրդ են տալիս հաճախակի գնալ անտառ ու գրկել ծառերը. տեղեկացնում է Yerkir.am-ը` Iceland Review-ին հղումով:

Ըստ իսլանդացի անտառապահների` ծառը պետք է գրկել 5 րոպեից ոչ պակաս` սեղմվելով բնին ամբողջ մարմնով:  Ընդ որում, ցանկալի է շփվել այն ծառերի հետ, որոնք անտառի խորքում են, այլ ոչ թե ավտոճանապարհին. այդ ժամանակ ավելի հավանական է, որ դրանց նախկինում ոչ ոք ձեռք չի տվել:

Անտառապահները նույնիսկ 2 մետր հեռավորությամբ հատվածներ են առանձնացրել անտառում, որպեսզի այցելուները  կարողանան հիանալ բնությամբ` չվախենալով մյուսներից վարակվելուց: