ԱՄՆ-ն ընդունել է Թուրքիայի նկատմամբ պատժամիջոցներ կիրառելու բանաձևը

ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովը ընդունել է բանաձև, ըստ որի` Ռուսաստանից Ս-400 ՀՕՊ համակարգերի գնման պարագայում Թուրքիայի նկատմամբ մի շարք պատժամիջոցներ կկիրառվեն, որոնցից մեկը Ֆ-35 կործանիչների ծրարգրից դուրս մղումն է. հաղորդում է diken.com.tr կայքը:

Բանաձևում կոչ էր արվում, բացի կործանիչների ծրագրից դուրս մղելուց, CAATSA-ի (Ամերիկայի հակառակորդների դեմ պատժամիջոցների կիրառման մասին օրենք, որը կիրառվում է Իրանի, Հս. Կորեայի և Ռուսաստանի դեմ) շրջանակում կիրառել պատժամիջոցների ամբողջական փաթեթը:

Ներկայացուցիչների պալատի արտաքին հարաբերությունների հանձնաժողովի նախագահ Էլիոթ Էնգելը նշել է, որ Թուրքիայում ժողովրդավարությունը նահանջել է, և Էրդողանը մտերմացել է Պուտինի հետ: «Այս բանաձևը քննադատում է Էրդողանի ավտորիտար ռեժիմը, կոչ անում չեղարկել ռուսական համակարգերի մատակարարումից: Անշուշտ, նրանք ցանկանում են, որ մենք վաճառենք մեր համակարգերը, սակայն դա չենք անի, մինչև ռուսական համակարգերի մատակարարումը չեղյալ չհայտարարվի: Երկուսը մեկում չի լինում: ՆԱՏՕ-ի անդամ երկիրը չի կարող ռուսական սարքավորումներ գնել»,- նշել է դեմոկրատ Էնգելը: