ԵՄ-ն Թուրքիայի դեմ պատժամիջոցներ կիրառելու համար անվանացանկ է կազմում

Միջերկրական ծովի արևելյան ջրերում Թուրքիայի կողմից իրականացվող ապօրինի որոնողական-հորատող աշխատանքների պատճառով Եվրամիությունը սկսել է անվանացանկ կազմել:

ԵՄ Արտաքին հարաբերությունների և անվտանգության հարցերով ներկայացուցիչ Յոզեպ Բորելը նշում է, որ անհրաժեշտ պատժամիջոցներ կիրառելու ուղղությամբ տարվող աշխատանքներն ավարտվում են. ըստ Yerkir.am-ի՝ հայտնում է Euronews-ի թուրքական ծառայությունը:

ԵՄ ԱԳՆ ղեկավարների ժողովից հետո Բորելը լրագրողների հետ զրույցում նշել է, որ ժողովի ժամանակ Կիպրոսի ԱԳՆ ղեկավարը հետաքրքվել էր հորատման աշխատանքների դեմ քայլերի մասին, ինչին ի պատասխան նրան ասվել էր, որ մարդկանց ցուցակ է կազմվում, որոնք կենթարկվեն պատժամիջոցների: