Այսօրվանից մեկնարկում են ԵՄ ընտրությունները

Եվրոպայի մի շարք երկրներում այսօրվանից մեկնարկում են Եվրախորհրդարանի ընտրությունները. հաղորդում է Интерфакс-ը:

Այսօրվանից ընտրատեղամասերը բացվում են Մեծ Բրիտանիայում և Նիդերլանդներում, իսկ արդեն վաղվանից  կսկսեն քվեարկել Իռլանդիայի և Չեխիայի, իսկ մայիսի 25-ին՝ Լատվիայի, Մալթայի և Սլովակիայի բնակիչները:

Բացի վերոհիշյալներից` Եվրամիության մնացած երկրներում ընտրությունները տեղի կունենան շաբաթ օրը:

Ընդհանուր առմամբ, 2019 թվականի եվրոպական ընտրություններին կմասնակցի 28 երկիր, այդ թվում՝ Մեծ Բրիտանիայի քաղաքացիները, քանի որ երկիրը դեռևս չի լքել ԵՄ-ն:

Եվրամիության կազմում գտնվող երկրներում այս պահի դրությամբ  ընտրություններին մասնակցելու իրավունք ունեցող 426 միլիոն քաղաքացի կա: