Այսօրվանից պահպանողականները սկսում են Մեծ Բրիտանիայի վարչապետի ընտրությունները

Հունիսի 13-ից Մեծ Բրիտանիայի պահպանողական կուսակցությունը սկսում է իրենց նոր ղեկավարի, միևնույն ժամանակ` երկրի հաջորդ վարչապետի ընտրությունները. գրում է BBC-ն:

Նշվում է, որ 10 թեկնածուների համար քվեարկելու են Համայնքների պալատի պահպանողական պատգամավորները, իսկ այն թեկնածուները, որոնք առնվազն 17 ձայն չեն հավաքի, դուրս կմնան ընտրապայքարից:

Լրատվամիջոցի տեղեկություններով`արդեն հաջորդ շաբաթ կրկին կանցկացվեն  քվեարկություններ` մինչև այն պահը, երբ պայքարում կմնա միայն 2 թեկնածու: Ի վերջո, ընտրություններում հաղթանակ տարած մասնակիցը կհաջորդի գործող վարչապետ Թերեզա Մեյին:

Հաջորդ վարչապետի անունը պարզ կդառնա մինչև հուլիսի 22-ը:

Հավելվում է նաև, որ պահպանողականների մեծագույն մասի աջակցությունն ու հարգանքը վայելում է ՄԲ նախկին արտգործնախարար Բորիս Ջոնսոնը: