Ժամանակն է, որ Հայաստանի իշխանութիւնները սթափւեն և զերծ մնան թշնամական մթնոլորտի սերմանումից. ՀՅԴ Անգլիա

ՀՅԴ Բիւրոյի բազմամեայ ներկայացուցիչ, Արցախեան ազատամարտի կազմակերպիչներից Հրանտ Մարգարյանն իր մանկահասակ թոռների հետ Ազատութեան հրապարակում զբոսնելիս հարձակման է ենթարկվել մոլագար ամբոխի կողմից։

Անհանդուրժողականութեան ու թշնամանք տարածելու` իշխանութեան անպատասխանատու կոչերն ու ատելութեան խօսքն այլևս հանրային վարքագիծ է դարձել։ Փողոցային խուժանն արդեն իշխանութիւնների կարգախօսները դարձրել է իր վարքի կանոն:

Ընկեր Հրանդ Մարգարեանի դէմ կատարուած այս անվայել ամբոխավարական կերպար կրող արարքը և անւանակոչումները նաև ուղղուած է Դաշնակցութեան ամբողջ ընտանիքին: Նմանօրինակ ամբոխային վարքագիծ ունեցող պոռթկումները նաև հարուած են ժողովրդավարական սկզբունքներին, նաև մեր ազգային արժէքներին:

Ժամանակն է, որ Հայաստանի իշխանութիւնները սթափւեն և զուսպ գտնւեն իրենց արտայայտութիւնների մէջ, զերծ մնալով թշնամական մթնոլորտի սերմանումից:

Պահանջում ենք անյապաղ պատասխանատւութեան կանչել այս արարքների դերակատարներին ու հորդորող անձնաւորութիւններին, եւ զանոնք պատժել օրէքի համապատասխան յօդուածով:

ՀՅԴ Անգլիա, 19.05.2019