Հայաստան Մ17-Անգլիա Մ17` 0:4

Երևանում մեկնարկել է  Եվրոպայի` մինչև 17 տարեկանների 2013/2014 թթ. առաջնության որակավորման փուլի 7-րդ խմբի մրցաշարը: Հայաստանի հավաքականը Ավանի ֆուտբոլի ակադեմիայի մարզադաշտում  առաջին հանդիպումն անցկացրեց Անգլիայի ընտրանու հետ և պարտվեց խոշոր հաշվով` 0:4:

Հանդիպման մեկնարկից երկու րոպե անց գոլի հեղինակ դարձավ Պատրիկ Ռոբերթսը: 32՚ հյուրերի առավելությունը կրկնապատկեց Ադամ Արմսթրոնգը: Խաղի 75՚ Դոմինիկ Սոլանկեն երրորդ գնդակն ուղարկեց Հայաստանի հավաքականի դարպասը: 80-րդ րոպեին Ադամ Արմսթրոնգը դարձավ դուբլի հեղինակ և ձևակերպեց խաղի վերջնական հաշիվը` 0:4:

Հայաստանի հավաքականի կիսապաշտպան Հայկ Գալստյանը խաղի վերջնամասում կարող էր դառնալ հրաշալի գոլի հեղինակ, սակայն դարպասաձողը փրկեց հյուրերին:

Հայ պատանիները հաջորդ հանդիպումը կանցկացնեն հոկտեմբերի 26-ին` ժամը 17:00-ին, Վազգեն Սարգսյանի անվան «Հանրապետական» մարզադաշտում: