|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
ՀՅԴ Արեւմտեան Ամերիկայի Կեդրոնական Կոմիտէն կը դատապարտէ ՀՅԴ Բիւրոյի նախկին ներկայացուցիչ Հրանդ Մարգարեանի դէմ կատարուած յարձակումը՝ ցուցարարներու կողմէ:
ՀՅԴ Արեւմտեան Ամերիկայի Կեդրոնական կոմիտէն հետեւողականօրէն ջատագոված ու պաշտպանած է քաղաքացիներու ազատ խօսքի եւ հաւաքներու իրաւունքը: Այսուհանդերձ, երբ հնչող արտայայտութիւնները թշնամական բմոյթ կ՝ունենան ու կը վտանգեն քաղաքացիներու ապահովութիւնը, պէտք է դատապարտուին:
Մենք կը բաժնենք ՀՅԴ Հայաստանի Գերագոյն մարմնի հրապարակած մտահոգութիւնները, որոնք կը զգուշացնեն հայկական երկու պետութիւններու միջեւ պառակտումի հաւանական վտանգի մասին, որ ծանրագույն հետեւանքներ կ՝ունենայ մեր ամբողջ ազգի համար:
Հայաստանի իշխանութիւնները պարտին տէր կանգնիլ իրենց պատասխանատուութեան, թոյլ չտան պառակտումի յառաջացումը եւ համերաշխութեան մթնոլորտ ստեղծեն երկրի մէջ, զսպելով կիրքերը եւ կանխարգիլելով հասարակութեան մէջ բախումներու հաւանականութիւնը:
ՀՅԴ ԱՐԵՒՄՏԵԱՆ ԱՄԵՐԻԿԱՅԻ
ԿԵԴՐՈՆԱԿԱՆ ԿՈՄԻՏԷ