Պատժել մեղավորներին և ընդմիշտ վերջ տալ պառակտող գործելաոճին. ՀՅԴ Եգիպտոսի Կոմիտե

Արդէն տարի մըն է որ, կը հետեւինք Հայաստանի մէջ կատարուած ժողովրդային շարժումին ու անոր ունեցած դրական և բացասական փոփոխութիւններուն, որուն նմանուող դէպքերու եւ իրադարձութիւններու ականատեսը եղած ենք մենք 2011-էն իվեր Եգիպտոսի մէջ։

Հետեւեցանք օրէ օր սերմանուող ու խրախուսուող քաղաքական անհանդուրժողականութեան, հասարակութիւնը սեւ ու սպիտակի բաժնելու քաղաքականութեան քայլերուն, Ժողովուրդի տարբեր հատուածներուն իրար դեմ լարելու, որ անխուսափելիօրէն հանգեցնելու էր պառակտումներու ու ատելութեան հոգեբանութեան զարգացման, ինչպէս մեր մորթին վրայ զգացած էինք 2011-2014 թուականներուն, և բազմիցս զգուշացուցած, որ այս ընթացքը քաղաքական եւ հասարակական կեանքը հասցնելու է դէպի անդունդ։

Ամիսներ շարունակ, լրատուամիջոցներով Դաշնակցության առանձին գործիչներու հանդէպ եւ կուսակցության դէմ իրականացուեցաւ կազմակերպուած, ուղղորդուած ու հովանաւորուող հակաքարոզչութիւն, որը սերմանեց թշնամանք ու ատելութիւն։

Ցավոք, դա այլևս իրողութիւն դարձաւ երբ Դաշնակցական Ընկերոջ հանդէպ կատարուեցաւ հարձակում, օր ցերեկով եւ հնչեց անբարո թշնամական հայտարարություններ եւ սպառնալիքներ։ Այս հարձակումը մենք կը գնահատենք որպես հստակ ուղղորդուած գործողութիւն և ստոր քայլ Դաշնակցութեան համահայկական ողջ ընտանիքի դէմ։

Հանուն հասարակական համերաշխութեան եւ երկրի անվտանգութեան սիրոյն շատ դեպքերու լռել ենք։ Թերևս մեր լռութիւնն ու համարժեք քայլերով չպատասխանելը ոմանց մոտ ստեղծած է անպատիժ մնալու թիւր մտայնութիւն։

Կը Պահանջենք երկրի իշխանություններէն և իրավապահ մարմիններէն ամենակարճ ժամկետի մէջ գնահատական տալ կատարուածին, օրենքի ողջ խստութեամբ պատժել մեղավորները և ընդմիշտ վերջ տալ նման պառակտող գործելաոճին։

ՀՅԴ Եգիպտոս

19 Մայիս 2019