Թուրքիան Սիրիայի բռնազավթված տարածքներում պատրաստվում է հանրաքվե անցկացնել

Թուրքիան նախապատրաստվում է հանրաքվե անցկացնել Աֆրինի շրջանում և մնացած սիրիական տարածքներում, որտեղ բնակչությունը կորոշի՝ ցանկանում է մնալ թե միանալ. հաղորդում է սիրիական VDCNSyria կայքը։

Թուրքիան արդեն մի քանի տարի է շարունակում է ուժեղացնել իր ազդեցությունը Սիրիայի հյուսիսային և հյուսիս-արևմտյան շրջաններում, ինչը հետագայում կարող է պարարտ հող նախապատրաստել վերջնական բռնազավթման համար։ Բացի այդ, Թուրքիան մեծ ծավալի աշխատանքներ է տանում այդ շրջաններում թուրքական մշակույթը և լեզուն տարածելու ուղղությամբ։

Թուրքիան սիրիական տարածքներում աստիճանաբար փոխում է հրապարակների, գյուղերի, քաղաքների և փողոցների անունները, հեռացնում սիրիական խորհրդանիշները, դրա փոխարեն տարածելով թուրքական դրոշները և Էրդողանի նկարները դպրոցներում, հանրային վայրերում և փողոցներում։ Թուրքերենով է  դարձնում կրթությունը, ինչպես նաև մզկիթները, նույնականացման փաստաթղթերը և նույնիսկ մեքենաների համարները։

Թուրքիան ցանկանում է Սիրիայի հյուսիսում անել այն, ինչը հաջողությամբ իրականացրել է նախկինում սիրիապատկան Ալեքսանդրեթի սանջակում (ներկայումս Թուրքիայի Հաթայի նահանգում) և  Կիպրոսում։