Մարդիկ ազատ են նշել այն, ինչ իրենց հետաքրքիր է. Ալեն Սիմոնյանը մեկնաբանել է Երևանում Մարիխուանայի միջազգային օրը նշելը

Մարդիկ ազատ են նշել այն, ինչ իրենց հետաքրքիր է: Այս մասին այսօր ԱԺ-ում լրագրողների հետ զրույցում նշեց ԱԺ փոխնախագահ Ալեն Սիմոնյանը՝ խոսելով այն մասին, որ Երևանում որոշ խմբեր ապրիլի 20-ին նշել են Մարիխուանայի միջազգային օրը:

Հավելենք, որ օրեր առաջ Ազատության հրապարակում մի խումբ երիտասարդներ նշել են Մարիխուանայի միջազգային օրը: Նրանք պարզել էին «Մարիխուանան մարդուն վատը չի դարձնում, իսկ կալանավայրը՝ այո», ««Իրազեկվիր նախքան քննադատելը» պաստառներ: Որոշ ժամանակ անց իրավապահ մարմինները միջամտել են ակցիային, քանի որ տարածքում երեխաներ են խաղալիս եղել, իսկ նրանց իրավունքները գերակա են` ըստ Սահմանադրության:  Ոստիկանների միջամտությունից հետո երիտասարդները դադարեցրել են ակցիան: