Եղել են տարիներ, երբ Մայիսի 28-ը նշելը կյանք կարող էր արժենալ

Պատմակագան գիտությունների թեկնածու, ՀՅԴ անդամ Վահե Սարգսյանն իր ֆեյսբուքյան էջում գրում է.

«Եղել են տարիներ, երբ Մայիսի 28-ը նշելը կյանք կարող էր արժենալ․․․ Դաժան, մղձվանջային տարիներ․․․

1937 թ․ մայիսի 28-ն էր, Հայրենիք վերադարձած և ծանր հուսախաբության գիրկը ընկած Հայաստանի առաջին հանրապետության առաջին վարչապետ Հովհ․ Քաջազնունին իջնում է Զանգուի ափը և միայնակ նշում Մայիսի 28-ը։

70-ամյա ալեզարդ ծերունին միայնակ հիշում է իր անցած փոթորկուն, վայրիվերումներով լի ուղին, հիշում Հայոց պետականության համար պայքարի ելած իր ընկերներին, որոնցից ոմանք արդեն չկային, իսկ ոմանց էլ ճակատագիրը նետել էր օտար ափեր, հիշում է Հայաստանի անկախության և ազատության համար հերոսաբար նահատակված իր սիրասուն որդիներին՝ Արամին, Աշոտին ու Ռուբենին, հիշում է բոլորին, հիշում ամեն ինչ և․․․լեռնական այդ ջավախքցին երկար արտասվում է․․․․