Ինչո՞ւ չեք կատարում Ձեր խոստումը. պատգամավորը` Փաշինյանին

Այսօր ԱԺ նիստում կառավարության հետ հարցուպատասխանի ժամանակ «Լուսավոր Հայաստան» խմբակցության քարտուղար Գևորգ Գորգիսյանը հարց ուղղեց վարչապետ Նիկոլ Փաշինյանին`ոստիկանությունը ու ԱԱԾ-ի կարգավիճակի փոփոխության մասին, հիշեցնելով, որ վարչապետը  խոստացել էր, որ այդ կառույցները կդառնան նախարարություններ:

«Պարոն վարչապետ, ինչո՞ւ չեք կատարում Ձեր խոստումը»,- հարց ուղղեց պատգամավորը: Փաշինյանը պատասխանեց, որ այդ խոստումը տալիս` չի խոսել կոնկրետ ժամկետների մասին:

«Ես ինքս էլ էդ մարմինների գործունեության մեջ տեսնում եմ խնդիրներ, բայց չեմ համարում, որ տարին մեկ պետք է կարգավիճակ փոխենք: Գործունեության որոշակի փուլ ամփոփելուց հետո կքննարկենք նաև այդ տարբերակը, հնարավոր է՝ նաև փուլային լուծումների գնանք»,-ասաց վարչապետը։