Դուք ոչ միայն չեք հարգում ձեր խոսքը, չեք հարգում նաև ժողովրդին. Լիլիթ Գալստյան

ՀՀ ԱԺ «Հայաստան» խմբակցության պատգամավոր Լիլիթ Գալստյանի ելույթը՝

«Սիրելի Հայրենակիցներ, Արցա խի ցեղասպանության համատեքստում ամեն բան ավելի քան ճղճիմ և անկարևոր է թվում, բարոյականություն բառն էլ՝ ժամանակավրեպ:  Բայց ես չեմ հրաժարվում համոզումից, որ ամենաարդյունավետ քաղաքականությունը բարոյական քաղաքականությունն է։

Եվ ուրեմն պետք է  խոսել և հանրային գիտակցությանը հասցնել այն քաղաքական վարքագիծը, որի արդյունքում հասանք այս հանգրվանին՝ ապատիկ հասարակություն, պետության միջազգային նվաստացում, արժեքային և ինսիտուցիոնալ կոլապս,  անվտանգային զրո երաշխիքներ:  Պիտի խոսել և մեր անղեկ հասարակությանը համոզում ներշնչել, որ հանրային կոնսենսուսով, ազգային առաջնորդությամբ դեռ հնարավոր է վերաիմաստավորել Հայաստանը, ուր տեղ չպիտի ունենան պոպոլիզմը, կործանարար դատարկախոսությունը, դիլետանտւթյունն ու համատարած սուտը:

Դուք ոչ միայն չեք հարգում ձեր խոսքը,  չեք հարգում նաև ժողովրդին: Հանրային միջոցներով սնվող Հ1-ը վերածվել է իշխանական պրոպագանդիստական խոսափողի, ուր ստով, մանիպուլյացիաներով ու ատելության խոսքով թունավորվում է հանրային բանականությունը:

Արցախի Հանրապետության նկատմամբ իրագործված տիեզերական դավաճանությունը վերջին տաս օրերի մեջ տեղավորելը մեղմ ասած՝ անբարոյական է։  

Արցախի ինքնորոշման իրավունքի ձեր նախընտրական խոստումի կամ «Արցախն Հայաստան է և վերջ» հայտարարության մասին հիմա կլռեմ:

Հիշեցնեմ, թե 2022-ի սեպտեմբերին ինչպես էր  Փաշինյանն անձամբ Աշտարակում  ներկայացնում ակադեմիական քաղաքի «կոնցեպտը»: Մեկ տարի անց պարզ  դառնում, որ  ակադեմիական քաղաք կառուցելու իշխանությունների «կոնցեպտն» ընդամենը պոպուլիստական փուչիկ էր, դեռ նոր պիտի հաստատվի հայեցակարգը և այն կառուցվի Երևանում:

Հիշու՞մ եք․ այդպիսի մի գոյություն չունեցող հայեցակարգով էլ Բրյուսով-Ֆիզկուլտ-Մանկավարժական խառնարան էին ուզում ստանալ, որը բարեբախտաբար դեռ կասեցված է:

Կրթության ոլորտիի չակերտավոր «բարեփախումների» ցուցիչը 2023 թ. Կրթության ոլորտում կապիտալ ծախսերի կատարողականի 42% է, ուսուցիչների կամավոր ատեստավորման խնդրահատույց ընթացքը, նոր դասագրքերի տպագրության ձախողված մեկնարկը, մասնագիտական հանրության կողմից պատմության նոր դասագրքի /7-րդ դասարան/ խոտանումը, հանրակրթության կառավարման քաոսային վիճակը:

Փորձեք կողքից նայել ձեր արժեքաբանությանը․․․․

Արցախից տեղահանվածների մի մասը դեռ մեքենաներում է քնում, մի մասը վրանների տակ, իսկ դուք 8մլն դոլար փոշիացրել եք ինչ-որ թմրամոլի,  220 000 դոլար էլ՝ 9 տոկոսանոց քաղաքապետի վրա:

ժողովրդավարության ձեր բաստիոնը կառուցվում է ոստիկանական բռնություններով և «ծառայասեր արդարադատությամբ»:  

Ձեզանից ոմանք իրավապաշտպան էին, տարբեր դեսպանատներում նախկինների ավտորիտար ռեժիմն էիք քննադատում,  հիմա  լռում եք՝ չեք տեսնում ամբողջությամբ ապօրինի քաղաքական հետապնդումները:

Եվ, այնուամենայնիվ,  հիշեք՝ նիկոլից հետո կյանք կա․․․կիսում եք ու կիսելու եք այս ազգային դավաճանության պատասխանատվությունը»։