Բելառուսը և Ղազախստանը հրաժարվում են ղրիմյան ապրանքների գնումից

Բելառուսը և Ղազախստանը հրաժարվում են «Պատրաստված է Ղրիմում» մակնշմամբ ապրանքների գնումից՝ դա բացատրելով ստեղծված բարդ աշխարհաքաղաքական իրադրությամբ: Այդ մասին РИА Новости-ին  տված հարցազրույցում ասել է Ռուսաստանի Առևտրաարդյունաբերական պալատի ղեկավար Սերգեյ Կատիրինը` Յալթայի միջազգային տնտեսական ֆորումին ընդառաջ:

«Ղրիմցի ապրանքարտադրողներն իրացման շուկաներ դուրս գալու, արտահանելու  խնդիր ունեն: Անկայուն քաղաքական իրադրության պայմաններում բազմաթիվ վայրերում զգուշավորությամբ են վերաբերվում «Պատրաստված է Ղրիմում» մակնշմամբ արտադրանքի իրացմանը, մասնավորապես` Բելառուսը և Ղազախստանը հրաժարվում են նման ապրանքներ գնել»,- ասել է գործակալության զրուցակիցը: