Ռուսաստանում լկտիացել են. Լուկաշենկո

Բելառուսի նախագահ Ալեքսանդր Լուկաշենկոն հայտարարել է, որ Ռուսաստանը  լկտիացել է. հայտնում է БелТА-ն: Նա այդ կերպ է մեկնաբանել «Ռոսսելխոզնադզոր»-ի որոշումը` կապված Բելառուսից խնձորների ներկրման հետ:

Երեկ «Ռոսսելխոզնադզոր»-ը հայտարարել էր, որ ապրիլի 12-ից Բելառուսի խնձորի ու տանձի ներկրումը կարգելվի: Որոշումը կապված է այն բանի հետ, որ Բելառուսից ապրանքի անվան տան ՌԴ կարող է մատակարարել պատժամիջոցային ցուցակում ընդգրկված երկրներից ապրանք:

«Այնտեղ արդեն այնքան են լկտիացել, որ սկսել են մեր ձեռքերը ոլորել»,- ասել է Լուկաշենկոն:

«Գտնվում են պատժամիջոցների ներքո, և ես այստեղ աջակցում եմ նրանց: Սակայն, միևնույն ժամանակ, նմանատիպ զենքով պատերազմում են իրենց ամենամոտ դաշնակիցների դեմ»,- հավելել է Բելառուսի նախագահը: