Դատարանը որոշեց կալանավորել «Սպայկա» ընկերության տնօրենին

Երևանի ընդհանուր իրավասության դատարանը որոշում կայացրեց կալանավորել «Սպայկա» ընկերության տնօրեն Դավիթ Ղազարյանին։

«Սպայկա»-ի աշխատակիցները բողոքի ակցիա են իրականացնում դատարանի առջև և պահանջում հանդիպում վարչապետ Նիկոլ Փաշինյանի հետ:

Ղազարյանը մեղադրվում է ՀՀ Քրեական օրենսգրքի 205 հոդվածի 2-րդ մասի հատկանիշներով՝ առանձնապես խոշոր չափերով հարկերը, տուրքեր կամ պարտադիր այլ վճարումներ վճարելուց չարամտորեն խուսափելու համար։ Ըստ ՊԵԿ-ի` «Սպայկա» ընկերությունը պետական բյուջե չի վճարել ընկերության կողմից իրականացված ձեռնարկատիրական գործունեության արդյունքում առաջացած 7 միլիարդ դրամ մաքսատուրք և հարկ: Դավիթ Ղազարյանը մամուլի ասուլիսի ժամանակ նշել է, որ ՊԵԿ-ը 7 մլրդ դրամի պահանջն ուռճացված է և շինծու: