ՌԴ ԱԳՆ փոխնախարարը Աբասի հետ քննարկել է սրացումը Գազայում

ՌԴ ԱԳՆ ղեկավարի տեղակալ Միխայիլ Բոգդանովը և Պաղեստինի նախագահ Մահմուդ Աբասը հանդիպման ժամանակ քննարկել են Գազայի հատվածում իրավիճակի սրումը, ինչպես նաև ԱՄՆ-ի միակողմանի քայլերը Գոլանի բարձունքների հարցում: Այդ մասին հայտնում է РИА Новости-ն:

Հանդիպումը կայացել է մարտի 31-ին Թունիսում` Արաբական պետությունների լիգայի 30-րդ գագաթնաժողովի շրջանակում:

Նշվում է, որ Մոսկվան վերահաստատել է իր պատրաստակամությունը աջակցել պաղեստինյան ղեկավարության` պաղեստինյան տարածքներում բարդ սոցիալ-տնտեսական իրավիճակը կարգավորելուն  ուղղված ջանքերին և պաղեստինցի ժողովրդի` 1967 թվականի սահմաններում իր անկախ պետոթյունը ստեղծելու օրինական իրավունքի իրականացմանը: