Հայտնի են միջխորհրդարանական հանձնաժողովների և բարեկամական խմբերի կազմերը

Այսօր կայացած Ազգային ժողովի խորհրդի նիստում որոշվեցին միջխորհրդարանական 4 հանձնաժողովների և բարեկամական խմբերի կազմերը: Այս մասին իր ֆեյսբուքյան էջում հայտնել է ԱԺ «Իմ քայլը» խմբակցության անդամ Մխիթար Հայրապետյանը:

Հայաստանի և Արցախի հանրապետությունների միջև համագործակցության միջխորհրդարանական հանձնաժողովը ղեկավարելու է Արարատ Միրզոյանը, Բելառուսի Հանրապետության ԱԺ և ՀՀ ԱԺ միջխորհրդարանական հանձնաժողովը՝ Վահե Էնֆիաջյանը, Ռուսաստանի Դաշնության հետ համագործակցության միջխորհրդարանական հանձնաժողովը՝ Ալեն Սիմոնյանը, իսկ ՀՀ ԱԺ և Կիպրոսի Հանրապետության Ներկայացուցիչների պալատի միջև համագործակցության միջխորհրդարանական հանձնաժողովի նախագահը կլինեմ ես:

«Ուրախ եմ հայտնել նաև, որ ղեկավարելու եմ նաև Հայաստան-Հունաստան բարեկամական խումբը»,-նշել է նա:

ԱԺ-ի կայքէջից տեղեկացանք, որ ձևավորվել են 4 միջխորհրդարանական հանձնաժողով և 59 բարեկամական խումբ: