Երկակի չափանիշներ չկան. Պոմպեոն` Գոլանի բարձունքների մասին

ԱՄՆ պետքարտուղար Մայք Պոմպեոն հայտարարել է, որ Վաշինգտոնի դիրքորոշումը, կապված Գոլանի բարձունքները Իսրայելի մաս ճանաչելու հետ, երկակի չափանիշների քաղաքականություն չէ: Այդ մասին նա ասել է`պատասխանելով Sky News-ի լրագրողի հարցին, որը համեմատել է Ղրիմի հարցը Գոլանի բարձունքների հետ. հայտնում է ru.krymr.com-ը:

Պետքարտուղարն ԱՄՆ նախագահ Դոնալդ Թրամփի՝ Գոլանի բարձունքներն Իսրայելի մաս ճանաչելու անհրաժեշտության մասին հայտարարությունը համարել է «իրերի իրական դրության և անվտանգության ոլորտում տիրող իրավիճակի ճանաչում, որն անհրաժեշտ է Իսրայելի պաշտպանության համար»:

Նա նաև հավելել է, որ  Իսրայելի կողմից Գոլանի բարձունքների գրավումը չի խախտել ՄԱԿ-ի ԱԽ բանաձևերը: