Չպետք է վերացնեի մահապատիժը. Էրդողան

Թուրքիայի նախագահ Ռեջեփ Թայիփ Էրդողանը Զոնգուլդաք քաղաքում ելույթի ժամանակ հայտարարել է, որ սխալ է արել` վերացնելով մահապատիժը. տեղեկացնում է haberturk.com կայքը:

«Նա (Նոր Զելանդիայի ահաբեկիչը-խմբ.) ասել է, որ մնալու ենք Անատոլիայում, Եվրոպայի ափերի մոտ կանգնելու ենք: Ո՞վ ես դու: Վճարելու ես դրա համար: Եթե Նոր Զելանդիան չստիպի էլ, մենք ենք ստիպելու, որ վճարես: Մենք մեծ սխալ ենք արել` վերացրել ենք մահապատիժը: Ինչո՞ւ: Որովհետև չեմ կարողանում համակերպվել այն մտքի հետ, որ հուլիսի 15-ին 251 քաղաքացի, ոստիկան, զինվորական սպանած մարդկանց մենք մինչ օրս կերակրում ենք, այնինչ` պետք է կախաղան հանեինք: Եթե մեր խորհրդարանը մահապատիժը վերականգնելու օրինագիծ մշակի, ես հավանություն կտամ դրան», - ասել է Էրդողանը: