Եթե ընդդիմությունն ինձ չաջակցի, մի հանրաքվե էլ մահապատիժը վերականգնելու համար կանցկացնեմ. Էրդողանի հերթական սկանդալը

Թուրքիայի նախագահ Ռեջեփ Թայիփ Էրդողանը սահմանադրական փոփոխությունների վերաբերյալ հանրահավաքի ժամանակ հերթական սկանդալային հայտարարությունն է հնչեցրել:

Սահմանադրական փոփոխությունների հարցով հանրաքվեն կանցկացվի ապրիլի 16-ին։

Ըստ Demokrathaber-ի՝ Էրդողանը հրապարակավ սպառնացել է ընդդիմության ղեկավար Քըլըչդարօղլուին՝ իրեն չաջակցելու դեպքում մահապատիժը վերականգնելու հանրաքվե անցկացնել: «Եթե ընդդիմությունն ինձ չաջակցի, մի հանրաքվե էլ մահապատիժը վերականգնելու համար կանցկացնեմ»,- ասել է նա:

Հիշեցնենք, որ օրեր առաջ  Էրդողանը սահմանադրական փոփոխությունների վերաբերյալ հանրաքվեի վերաբերյալ Իզմիրում անցկացված հանրահավաքի ժամանակ սկանդալային ելույթով էր հանդես եկել: Նա հրապարակավ ընդունել էր 100 տարի առաջ քրիստոնյաներին Բոսֆորի ջրերը նետելու փաստը՝ ասելով. «Հիշո՞ւմ եք նրանց, որոնց ծովն էինք նետում 100 տարի առաջ: Այ նրանց պաշտպաններն են, որ այսօր «ոչ» են ասում փոփոխություններին: Եվ իրենց ձիերին ու շներին են բաց թողնում «այո» ասողների վրա»: