Էրդողանն անտեսում է ԵՄ-ի զգուշացումը՝ կքննարկի երկրում մահապատիժը վերականգնելու հարցը

Այսօր Թուրքիայի նախագահ Ռեջեփ Թայիփ Էրդողանը կհանդիպի «Ազգային շարժում» կուսակցության նախագահ Դևլեթ Բահչելիի հետ: Ըստ Demokrathaber-ի՝ հանդիպման ընթացքում քննարկվելիք հիմնական թեման կլինի երկրում մահապատժի վերականգնումը:

Բահչելին համոզմունք է հայտնել, որ մահապատիժը վերականգնելու նախագիծը մոտ ապագայում կմտնի խորհրդարանի օրակարգ: «Ես նախկինում էլ եմ ասել` եթե «Արդարություն և զարգացում» կուսակցությունը պատրաստ է, «Ազգային շարժում»-ը երեկվանից է պատրաստ: Մահապատիժը վերականգնելու առաջարկ կամ օրինագիծ խորհրդարանում ներկայացվելու դեպքում ԱՇԿ-ն կանի այն, ինչ պետք է»,- ասել է նա:

Հիշեցնենք, որ ԵՄ-ն արձագանքել է Թուրքիայի կառավարության այս ծրագրին՝ շեշտելով, որ նման օրինագծի ընդունման դեպքում կխզվեն Թուրքիա-ԵՄ անդամակցության բոլոր բանակցությունները: