Օջալանը քրդական հարցի լուծման առանցքային կողմերից է. Բարզանի

Իրաքյան Քուրդիստանի վարչապետ Նեչիրվան Բարզանին կոչ է արել Թուրքիային` խաղաղության նոր գործընթաց սկսել: «ՔԲԿ-ի առաջնորդ Աբդուլլահ Օջալանը պետք է լինի խաղաղության բանակցությունների առանցքային դերակատարներից: Միայն ակնհայտ է, որ զինվորական մեթոդներով լուծում չի լինելու»,- հայտարարել է նա և հավելել, որ երկխոսության մեջ պետք է ներգրավել նաև Քրդական բանվորական կուսակցությանը:

«Թուրքիան այդ ժամանակ ռազմական առումով շատ ակտիվ էր երևում: ՔԲԿ-ին օդային հարվածներ էր հասցնում և քաղաքացիական անձանց մահվան պատճառ հանդիսանում: Այդ պատճառով էլ տեղական բնակչությունը Թուրքիայի դեմ մեծ բողոքի ցույցեր անցկացրեց», - Բարզանիի խոսքերն է մեջբերում demokrathaber.org կայքը: