Նեթանյահուն պատասխանել է Թուրքիայի քննադատություններին

Իսրայելի վարչապետ Բենյամին Նեթանյահուն իր ֆեյսբուքյան էջում գրառում է կատարել, ի պատասխան Թուրքիայի նախագահական գրասենյակից հնչած քննադատություններին, որոնք նրան հասցեագրվել էին այն բանից հետո, երբ հայտարարել էր, որ «Իսրայելը միայն հրեաների պետությունն է, այլ ոչ թե իր երկրի քաղաքացիների». հաղորդում է  haberler.com կայքը:

«Թուրքիայի բռնապետ Էրդողանը քննադատում է Իսրայելի ժողովրդավարությունը, մինչդեռ  թուրք լրագրողներով ու դատավորներով է լցնում իր բանտերը: Ինչպիսի կատակ: Իսրայելում չկա երկրորդ կարգի քաղաքացի: Իսրայելում այնպիսի ժողովրդավարություն է, որտեղ բոլոր իսրայելցիները, այդ թվում` 2 մլն արաբները, օգտվում են հավասար իրավունքներից: Դրա հետ մեկտեղ Իսրայելը միայն հրեական պետություն է` իր դրոշի վրա Դավթի աստղով, «Հաթիքվա»-ն մեր օրհներգն է, եբրայերենը մեր լեզուն է և այստեղ «Վերադարձի մասին» օրենքից հետո վերադարձած միլիոնավոր հրեաների երկիրը»,- գրել է Նեթանյահուն: