Նեթանյահուն ցանկանում էր մասնատել Սիրիան. Թուրքիայի ԱԳՆ

Թուրքիայի ԱԳՆ ղեկավար Մևլութ Չավուշօղլուն մեղադրել է Իսրայելի վարչապետ Բինյամին Նեթանյահուին քրդական գործոնի կիրառմամբ Սիրիան մասնատելու ձգտման մեջ. հայտնում է РИА Новости-ն:

«Վերջին օրերին Նեթանյահուն շատ անհանգստացած է, քանի որ ցանկանում էր ահաբեկիչների միջոցով մասնատել Սիրիան, սակայն այժմ տեսավ, որ այդ ծրագրերը չեն կարող  իրականություն դառնալ: Ինչպես տեսնում եք` Իսրայելը սկսել է սևացնել մեր նախագահին»,- ասել է Չավուշօղլուն:

Ավելի վաղ հայտնել ենք, որ Իսրայելի կառավարության ղեկավար Բենյամին Նեթանյաուն Թուրքիայի նախագահին «ազգայնական դիկտատոր» է անվանել, որն «Իսրայելի մոլուցքով է տարված»: Երկու երկրներիառաջնորդները պարբերաբար «փոխհրաձգության» մեջ են ներքաշվում, որի առիթ է պաղեստինա-իսրայելական  հակամարտության հերթական սրացումը: