Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Այսօր լրագրողների հետ զրույցում ՄԻՊ Արման Թաթոյանն անդրադարձավ հուլիսյան դեպքերի ժամանակ մարդու իրավունքների խախտման դեպքերին` ասելով, որ ՄԻՊ խումբը ջանասիրաբար աշխատել է, որպեսզի վեր հանվեն խախտումները, տրվել են նաև խիստ գնահատականներ` քրեական մարմիններին ուղղված պահանջներով:
Ինչ վերաբերում է ՄԻՊ գործունեության վերաբերյալ բազմաթիվ քննադատություններին, Արման Թաթոյանը նշեց, որ այդ քննադատություններին նորմալ է վերաբերվում: «Այդ քննադատությունները մեզ օգնում են էլ ավելի կատարելագործել մեր աշխատանքը»,- կարծիք հայտնեց նա:
Թաթոյանը չհերքեց, որ մարդկային ռեսուրսի խնդիր ունեն, որն ավելի ակնառու է դառնում ճգնաժամային վիճակներում:
Ինչ վերաբերում է զինված խմբի անդամների առողջական վիճակին, ՄԻՊ-ը նշեց, որ կարևոր է նրանց առողջական վիճակի բարելավումը: