Ռուսաստանը պատասխանել է Թուրքիայի` Ս-500-ի վերաբերյալ հայտարարությանը

Ռուսաստանի Պետդումայի պաշտպանության հանձնաժողովի փոխնախագահ Յուրի Շվիտկինն անդրադարձել է Թուրքիայի նախագահ Էրդողանի` Ս-500-ի հավանական գնման վերաբերյալ հայտարարությանը:

«Անկասկած, Թուրքիան Ռուսաստանի հետ իրականացնում է մի շարք երկկողմանի բանակցություններ ռազմական-տեխնիկական համագործակցության շրջանակներում: Այդ համագործակցությունը երկու կողմերին էլ շահավետ է: ԱՄՆ-ն այդ ոլորտում ամեն ջանք գործադրում է մրցակցության համար, մասնավորապես` Ս-400-ի և ապագայում Ս-500-ի դեպքում», - Շվետկինի խոսքերն է մեջբերում tr.sputniknews.com կայքը:

Նա նաև շեշտել է, որ Թուրքիան չի պատրաստվում այս պաշտպանական համակարգերն իր թշնամիների դեմ օգտագործել, և իրենք ավելի են ընդլայնելու համագործակցությունը ռազմական ոլորտում: