Թուրքիայի և Իրանի գործողությունները տարածաշրջանում ճգնաժամեր է հրահրում. Արաբական պետությունների լիգայի ղեկավար

Արաբական պետությունների լիգայի գլխավոր քարտուղար Ահմեդ Էբու Գայթը Եգիպտոսում անցկացվող ԵՄ-ԱՊԼ գագաթնաժողովում, որպես Միջին Արևելքում խաղաղության և անվտանգության ապահովման հիմնական անկյունաքար Պաղեստինի խնդրի կարգավորումը մատնանշելով, անդրադարձել է նաև տարածաշրջանում լուրջ դերակատարներից Իրանին և Թուրքիային. հաղորդում է demokrathaber.org կայքը:

Մասնակիցների ուշադրությունը հրավիրելով Թեհրանի և Անկարայի քայլերին` Գայթը նշել է. «Թուրքիայի և Իրանի գործողությունները տարածաշրջանում հրահրում են ճգնաժամեր և առաջացնում միջամտության անհրաժեշտություն: Տարածաշրջանային բախումների համար ռազմական լուծում չի գտնվում, և մենք պետք է ստեղծենք լուծումներ, որոնք կապահովեն երկրների միասնականությունը»: