ՌԴ նախագահին առընթեր գործարարների իրավունքների պաշտպանը «Հարավկովկասյան երկաթուղի» ՓԲԸ-ի հարցով դիմում չի ստացել

ՌԴ նախագահին առընթեր գործարարների իրավունքների պաշտպան Բորիս Տիտովը Մոսկվա-Երևան-Մինսկ-Քիշնև-Տալլին տեսակամրջի ընթացքում չմեկնաբանեց «Հարավկովկասյան երկաթուղի» ՓԲԸ-ի նկատմամբ ՀՀ-ում տարվող քաղաքականությունը, որը հանդիսանում է «Ռուսական երկաթուղիներ» ԲԲԸ-ի դուստր ընկերությունը և իրականացնում է Հայաստանի երկաթուղային համակարգի կոնցեսիոն կառավարումը:

Հիշեցնենք, որ ՀՀ տնտեսական մրցակցության պաշտպանության պետական հանձնաժողովն ընկերությանը 2018-ի նոյեմբերի 21-ին տուգանեց 30 միլիոն դրանով՝  մենաշնորհային դիրքի չարաշահման համար: Իր հերթին «Հարավկովկասյան երկաթուղի»-ը դատի է տվել ՏՄՊՊՀ-ին:

«Ես կոնկրետ դեպքերին չեմ հետևում, քանի որ դրա համար պետք է դիմում ստանանք ընկերության կամ ձեռնարկատիրոջ կողմից:  Նման դիմում չի ստացվել, հատկապես երբ դա պետական ընկերություն է և չի մտնում մեր պարտավորությունների մեջ: Այնուամենայնիվ, մենք պատրաստ ենք ընդունել յուրաքանչյուր դիմում՝ կապված ՀՀ-ում ռուսական ընկերությունների գործունեության հետ և հակառակը»,-ասաց ՌԴ տնտեսական օմբուդսմենը: