Հունաստանը ցանկանում է մասնակցել «Թուրքական հոսք»-ին. կայացել է Էրդողան-Ցիպրաս հանդիպումը

 Թուրքիայի նախագահ Ռեջեփ Թայիփ Էրդողանը երեկ հանդիպել է Հունաստանի վարչապետ Ալեքսիս Ցիպրասի հետ, որն այցով Թուրքիայում է: Այդ մասին հայտնում է Trend-ը` թուրքական ԶԼՄ-ներին հղումով:

Բանակցությունները կայացել են Անկարայում` Նախագահական պալատում, փակ դռների հետևում և տևել 2 ժամ 15 րոպե:

Ըստ ռուսական ТАСС-ի` հանդիպումից հետո կայացած մամուլի ասուլիսի ժամանակ Ցիպրասն ասել է, որ Հունաստանը ցանկանում է ընդլայնել էներգետիկ համագործակցությունը Թուրքիայի հետ և մասնակցել «Թուրքական հոսք» նախագծին:

«Մենք խոսել ենք այն մասին, որ էներգետիկան պետք է դառնա համագործակցության համար կամուրջ, ոչ թե արգելք, տարածաշրջանում բախումների առիթ»,- նշել է նա: