Ինչո՞ւ էր Փաշինյանը մեկնել Վրաստան

Հայաստանի և Վրաստանի վարչապետերի ոչ պաշտոնական հանդիպումը բազմաթիվ հարցեր առաջացրեց երկու երկրների փորձագետների շրջանում: Երկու կողմն էլ բավականին ժլատ տեղեկատվություն են տրամադրել այցի մասին. գրում է ekhokavkaza.com-ը:

Վրաց քաղաքագետ Զաալ Անջափարիձեն ենթադրում է, որ երկու ղեկավարների զրույցը վերաբերել է տնտեսական հարցերին: «Անցյալ տարի Հայաստանի և Վրաստանի միջև փոխըմբռման բացակայություն կար,  մասնավորապես` ցորենի փոխադրման հարցով: Նաև սպասվում է նոր տրանսպորտային միջանցքների բացում` համաձայն ՌԴ-ի և Վրաստանի միջև Ժնևում ստորագրված պայմանագրի և ՌԴ-ի` Համաշխարհային առևտրային կազմակերպությանը անդամակցելու շրջանակում: Իսկ դա շատ կարևոր է Հայաստանի բեռնաշրջանառության մեծացման համար»,- ասել է փորձագետը:

Ըստ նրա` խոսքը կարող էր գնալ այն մասին, որ Ռուսաստանը մտադիր է բարձրացնել Հայաստանի համար ռուսական գազի գինը, ինչպես նաև Վերին Լարսի անցակետում բարդությունների մասին: