Թուրք հաքերները կոտրել են Հունաստանի ԱԳՆ-ի և ազգային ռազմավարության կայքերը

Թուրք հաքերները կոտրել են Հունաստանի ԱԳՆ-ի էլեկտրոնային նամակագրության համակարգն ու ազգային ռազմավարության կայքը:

Ըստ Haberturk-ի` հաքերները նաև գրառում են արել կայքում: «Մի գիշեր պատահաբար կարող ենք գալ: Մեր սահմանները մեր կարմիր գծերն են: Զգուշացնում ենք այդ գծերն անցնողներին, հիշեցնում ենք, որ պատմությունը կարող է կրկնվել»,- գրել են նրանք:

Նշենք, որ այս գրառումը թուրք հաքերների շրջանում հայտնի արտահայտություն է: Նրանք հաքերային գրեթե բոլոր հարձակումների ժամանակ տեղադրում են այս գրառումը:

Հիշեցնենք, որ  Հունաստանի ԶՈւ գլխավոր շտաբի պետը օրերս հայտարարել էր, որ եթե թուրքական ուժերը մոտենան իրենց կղզիներին, իրենք կոչնչացնեն նրանց: