ՀՄԸՄ-ի 100-ամյակի պաշտոնական տոնակատարություն՝ Դամասկոսում

Կազմակերպութեամբ Հ.Մ.Ը.Մ.-ի Դամասկոսի վարչութեան, Ուրբաթ 7 Դեկտեմբեր 2018-ին երեկոյեան ժամը 7:30-ին, Հայ կաթողիկէ «Ամինեան» սրահին մէջ տեղի ունեցաւ Հ.Մ.Ը.Մ.-ի հիմնադրութեան 100 ամեակի առթիւ նուիրուած պաշտօնական տօնակատարութիւն՝ ներկայութեամբ Արհիապատիւ Տէր Յովսէփ Եպս. Առնաութեանի, Հ.Հ. արտակարգ եւ լիազօր դեսպան Պրն. Տիգրան Գէորգեանի, Սուրիոյ խորհրդարանի անդամ տօքթ. Նորա Արիսեանի, Հ.Մ.Ը.Մ.-ի Շրջանային Վարչութեանանդամներու, Սուրիոյ սկաուտական շարժումի ներկայացուցիչներու եւ հոծ բազմութեան:

Ձեռնարկը ընթացք առաւ Սուրիոյ եւ Հայաստանի զոյգ Քայլերգներով՝ կատարողութեամբ Հ.Մ.Ը.Մ.-ի շեփորախումբին, ապա ներկաները հրաւիրուեցան մէկ վայրկեան յոտնկայս՝ յարգելու 7 Դեկտեմբեր 1988թ. Սպիտակի երկրաշարժի զոհերուն արդար ու անթառամ յիշատակը։

Բացման խօսքը ներկայացուց վարչութեան ատենապետ Եղբ. Միհրան Ղազարեան, ուր հաստատեց թէ Հ.Մ.Ը.Մ.ը սոսկ մարզական կամ սկաուտական միութիւն մը չէ, այլ դպրոց մը՝ իր մարդակերտիչ եւ Հայակերտիչ ծրագրով։ Ան նշեց թէ Հ.Մ.Ը.Մ. ը Եղաւ առաքելութիւն մը իր վեհ սկզբունքներով ու ազնուագոյն իտէալներով, որ մեծցաւ եւ ուռճացաւ աշխարհի հինգ ցամաքամասերու 26 երկիրներուն մէջ, ծնունդ տալով 110 մասնաճիւղերու: 
Գեղարուեստական բաժնին մէջ Գայլիկները ներկայացուցին «Հայ ենք մենք» եւ բարի գալուստի խմբերգներ, ապա յայտագիրը ընդգրկեց հետեւեալ բաժինները։
• Դաշնամուր «Արամ Խաչատուրեան»էն, Սերլի Առաքելեան 
• Ասմունք «Հայոց Լեզուն», Մարալ Սեւերեկլեան
•Ջութակ «Ազգ փառապանծ», Արեն Սեթիկեան 
•Ասմունք «Ուխտ Արարատի», Ալին Հարենցեան 
•Մեներգ «Մենք ենք մեր սարերը», Սարին Գաթգլեան
• Ջութակ «Սարդարապատ», Սերժ Պոյաճեան
•Ասմունք «Սասունցիների պարը», Միրելա Խալիլ
•Դաշնամուր «Արամ Խաչատուրեան»էն, Ռիթա Մահսէրէճեան