Լիբանանի նախագահի և ՀՅԴ Լիբանանի Կենտրոնական կոմիտեի հանդիպման մանրամասները

ՀՅԴ Լիբանանի Կենտրոնական կոմիտեի պատվիրակությունը, որին մաս են կազմում ԿԿ ներկայացուցիչ, պատգամավոր Հակոբ Բագրատունին և երկրում զբոսաշրջության նախարար Ավետիս Կիտանյանը, երեկ այցելել էին հանրապետության նախագահ Միշել Աունին:

Ըստ Aztagdaily-ի` հանդիպման ընթացքում քննարկվել են կառավարություն կազմելու վերաբերյալ հարցեր, նաև այդ հարցով խորհրդակցություններ են եղել:

ՀՅԴ Լիբանանի Կենտրոնական կոմիտեն իր զորակցությունն է հայտնել նախագահին` մաղթելով, որ կառավարություն կազմելու ուղղությամբ բոլոր խորհրդակցությունները պսակվեն հաջողությամբ: ԿԿ-ն վերահաստատել է իր կեցվածքը` կառավարության կազմում հայության արդար ներկայացուցչություն ունենալու առումով: