Պուշկովը պատասխանել է Պոմպեոյին

Սենատոր Ալեքսեյ Պուշկովն իր թվիթերյան էջում մեկնաբանել է ԱՄՆ պետքարտուղար Մայք Պոմպեոյի վերջնագիրը. հայտնում է РИА Новости-ն:

Հիշեցնենք, որ նա հայտարարել է, որ  Ռուսաստանին 2 ամիս է տրվում Միջին և փոքր հեռահարության հրթիռների ոչնչացման մասին համաձայնագրի կատարմանը վերադառնալու համար: Պոմպեոն  հավելել է, որ այդ երկու ամսվա ընթացքում ԱՄՆ-ը չի արտադրի, չի փորձարկի և չի տեղակայի  հրթիռներ, որոնց վրա տարածվում է պայմանագիրը: «60 օր հետո կտեսնենք` ինչ կլինի»,- ասել է նա:

«Վաշինգտոնում հասկանում են, որ Մոսկվան կմերժի այդ վերջնագիրը: Եվ այդ ժամանակ նրանք ամբողջ աշխարհին կհայտարարեն, որ ամեն ինչում դարձյալ մեղավոր է Ռուսաստանը և այդ պատճառով են նրանք պատռում պայմանագիրը: Նրանց հիմնավորում է պետք: Դրանում է Պոմպեոյի վերջնագրի իմաստը»,- գրել է Պուշկովը: