Մարտակերտում շահագործման է հանձնվել շրջանային արտակարգ իրավիճակների բաժնի նոր շենքը

«Արցախպրես»-ի   թղթակցի   հաղորդմամբ՝    միջոցառմանը  Մարտակերտի  շրջանային  արտակարգ    իրավիճակների  բաժնի  պետ, փոխգնդապետ  Արայիկ  Դանիելյանը,  ողջունելով   ներկաներին,   ասել  է, որ  2018  թվականին   լրանում  է    Մարտակերտի    հրշեջ  ծառայության    ստեղծման  80-ամյակը: Սա  լավագույն  նվերն  է, որ  բաժինը  ստանում  է  ծառայության  ստեղծման  հոբելյանական     տարեդարձի  առթիվ:«Այսօր,    շնորհիվ   մեր  բարերարների,  ունենք    հարմարավետ, ժամանակակից  բոլոր   չափանիշներին   համապատասխան    շենքային  պայմաններ, որը   կնպաստի  էապես  բարձրացնել     բնակչությանը  մատուցվող    ծառայությունների որակը: 2018  թվականին    Մարտակերտի  շրջանային  արտակարգ  իրավիճակների   բաժնում  իրականցվել  են  բարեփոխումներ:

 

Արդիականացվել    և    թարմացվել  են     բաժնի  նյութատեխնիկական    բազան  և  ավտոտեխնիկական   պարկը, ձեռք  են  բերվել    նոր  ավտոմեքենաներ: Ներդրվող     կապի  նորագույն    տեխնոլոգիաների  շնորհիվ՝    կունենանք  առավել  հուսալի  թվային   կապ    և  ազդարարման  համակարգ: Այս  բոլոր   բարեփոխումները  վկայում են  ծառայության  և  բաժնի    խնդիրների  նկատմամբ  երկրի  ղեկավարության,  բարեգործների  և  մեր  տնօրինության  ուշադրության  հոգածության  մասին»,-մասնավորապես  ասել  է  Ա. Դանիելյանը: