ՌԴ ՊՆ-ն ԱՄՆ-ին կոչ է արել դադարեցնել Սիրիայում «Ռուկբան» ճամբարի «բռնագրավումը»

ՌԴ-ն կոչ է անում ԱՄՆ-ին`  անհապաղ դադարեցնել սիրիական Էթ Թանֆայի շուրջ գտնվող գոտու բռնագրավումը, որտեղ տեղակայված է փախստականների խոշոր «Ռուկբան» ճամբարը: Այդ մասին ասել է ՌԴ պաշտպանության կառավարման ազգային կենտրոնի ղեկավար, գեներալ-գնդապետ Միխայիլ Միզինցևը. հայտնում է РИА Новости-ն: Նա այդ հարցով դիմել է ՄԱԿ-ին և համաշխարհային հանրությանը:

«Դա ինքնաբերաբար կհանգեցնի «Ռուկբանի» խնդրի կարգավորմանը, իսկ փախստականները կկարողանան իրենց տներ վերադառնալ»,- ասել է գեներալը:

Պենտագոնը պնդում է, որ ԱՄՆ-ի գլխավորած կոալիցիան և դաշնակից զինված խմբավորումներն այնտեղ պայքարում են «Իսլամական պետություն» ահաբեկչական խմբավորման դեմ: